Բացահայտենք միասին

10 թիվը բնության մեջ

• Օմարները` փշոտ խեցգետինները, 10 ոտք ունեն։

• Կարիճն ունի 10 աչք: Երկուսը մեծ են, մյուսները` մանր:

• Կույր օձն ապրում է ավազի մեջ և ընդամենը 10 րոպե կիզիչ արևի տակ մնալով՝ սատկում է:

• Ջրի տակ լողացող փոկի սրտի աշխատանքը դանդաղում է 10 անգամ, որպեսզի թթվածնի պաշարը ճիշտ օգտագործվի։

• Պատկերացնո՞ւմ ես` աշխարհում գոյություն ունեն թռչող ձկներ: Նրանք և՛ լողում են ջրում, և՛ թռչելով անցնում 10 մետր հեռավորություն։

3 թիվը բնության մեջ

•  Ճապոնական ծովային սարդ-խեցգետինն աշխարհի ամենախոշոր խեցգետինն է: Նրա ոտքերի բացվածքը հասնում է մինչև 3 մետրի:

• Ութոտնուկն ունի 3 սիրտ:

• Ոզնու փշերի երկարությունը միջինում 3 սմ է:

• Կկվի ձուն կշռում է 3 գրամ։

• Աշխարհի ամենախոշոր արջերից մեկը կոդիակ կոչվող արջն է: Նա ապրում է Ալյասկայում ու կանգնած դիրքում ունի 3 մետր հասակ: Պատկերացնո՞ւմ ես՝ ավելի բարձր, քան ձեր տան առաստաղն է:

• Աֆրիկյան ջայլամն ունի 3 մետր հասակ:

• Կապույտ կետի լեզուն 3 տոննա է կշռում. համարյա ամենագնացի քաշին է:

2 թիվը բնության մեջ

• Նորածին ընձուղտն ունի մինչև 2 մ հասակ։

• Լուսնի վրա վայրէջք կատարած առաջին տիեզերագնացները տիեզերանավից դուրս 2 ժամ են անցկացրել։

• Մարս մոլորակն ունի 2 արբանյակ:

• Երկնագույն կետը կարող է ուտել օրական մինչև 2 տոննա կեր:

• Լեմուրն ունի 2 լեզու:Հիմնական լեզվի տակ գտնվում է «ստորին լեզուն»,որով մաքրում է ստորին ծնոտի ատամները։

• Կենգուրուները ծնվում են շատ փոքր՝ ընդամենը 2 սմ: Բայց շարունակում են մեծանալ ողջ կյանքի ընթացքում:

• Թքող կոբրաները թույնը կարող են թքել 2 մ հեռու: