Սուրբ Ծնունդը քրիստոնեական ամենանշանակալի և հուզիչ տոներից է, որն աշխարհին բերում է ուրախություն, սեր և հույս: Սուրբծննդյան իրական խորհուրդը ձյան անտեսանելի շերտի պես թափվում է աշխարհի վրա՝ տալով ամեն ինչին յուրահատուկ երանգ. Հիսուսն աշխարհ եկավ՝ աշխարհին փրկություն և օրհնություն բերելու համար:
Աստված ուղարկեց իր Որդուն՝ որպես կենդանի նվեր մարդկությանը՝ ցույց տալով սիրո և կարեկցանքի գերագույն դրսևորումը:
Սուրբ Ծնունդը մարդկանց միավորում է ջերմության և սիրո շրջանակում․ այն ուրախության, բարության և օրհնության ժամանակաշրջան է: Սա այն պահն է, երբ մարդիկ ձգտում են ավելի լավը լինել, մտահոգություն ցուցաբերել ուրիշների նկատմամբ և ձգտում են խաղաղության՝ իրենց սրտերում և ամբողջ աշխարհում:
Սա այն պահն է, երբ նույնիսկ ամենազբաղված սրտերը բուխարու մոտ ժամանակ են գտնում փոխադարձ ժպիտների, գրկախառնությունների և հետաքրքիր պատմություններ պատմելու և լսելու համար: Մոմերի լույսի տակ զրույցները դառնում են կախարդական կամուրջներ սերունդների միջև և փոխըմբռնման ջերմությամբ են լցնում երեկոյան լռությունը:
Սուրբ Ծնունդը նաև նվերներ տալու և ստանալու տոն է, բայց նվերների ինչպիսիսն լինելը բոլորովին էական չէ, կարևորը դրանք ի սրտե լինեն։
Սուրբ Ծնունդին ամբողջ աշխարհը կարծես կանգ է առնում հրաշքի ակնկալիքով։ Սուրբ Ծնունդը մեր տներ է բերում այն համոզմունքը, որ մարդկանց սրտերում միշտ տեղ կա բարության և հրաշքների համար:
Սուրբ Ծնունդը պարունակում է խորը հոգևոր և մարդկային արժեքներ՝ ուրախություն և իմաստ հաղորդելով մարդկանց կյանքին:
Շնորհավո՜ր Սուրբ Ծնունդ։
Թող ձեր օրերը լցվեն օրհնություններով և թող յուրաքանչյուր պահ լինի Սուրբ Ծննդյան հրաշքի հիշեցում: Թող այս լուսավոր պահի ուրախությունն ուղեկցի ձեզ ամբողջ տարի: